Hopp til innhold Hopp til hovedmeny

Hjem

> Felles > Bli inspirert > Boktips barn

Helene Uri:

Mamma morgenheks

Mamma morgenheks

Mona har en helt vanlig mamma. Hun smiler og ler, baker boller og er slik en mamma skal være - men ikke om morgenen! Da er mamma en demon! Hun tordner og lyner, er pottesur og kjefter på alt og alle rundt seg. Hun hater rett og slett å stå tidlig opp! 

Om ettermiddagen, da er mamma blid og glad igjen. I helgene også, for da kan hun sove så lenge hun vil. Men for Mona, lillebror Pelle, pappa og hunden Billy er det naturlig nok et problem å ha en mamma som forvandles til en heks om morgenen. Noe må gjøres! Mamma vil også gjerne ha hjelp  til å slippe å være så trøtt og sur. Og en dag finner pappa løsningen! Men - vil det virke? Det er bare én måte å finne ut dette på: mamma må på rosenrot-kur!Rosenrot-krukka plasseres i krydderhylla, sammen med ormekurbehandling for hund og, selvfølgelig, krydder. Det kan forresten være et problem at flere krukker ser helt like ut!Finn ut hvordan dette går! Helene Uris bok er lettlest og har illustrasjoner. Uri, som også har utgitt en rekke romaner for voksne samt fagbøker om språk, treffer barna med humoren sin, og kanskje er gjenkjennelsesfaktoren høy for mange foreldre? 

Del på facebook
Ingunn Røyset:

Fiskelykke

Fiskelykke av Ingunn Røyset

I år kom også Ingunn Røyset frå Hareid med ei bok i Leselandserien. Leseland er bøker på nynorsk for born som lærer seg å lese. Denne boka er på nivå fire, som egnar seg for born som les litt lengre tekstar sjølv.

I Fiskelykke skal venene Anna og Jonas aleine ut på moloen for å fiske. Mykje spanande kan hende når ein er på fisketur og tenk på alle dei sortane fisk ein kan få!  Anna trur til og med ho har ein amberjack på kroken. Ein fiskesort dei kjenner til av tida dei søkjer på "giant fish" på You Tube. Anna er den fiskevande og er ikkje redd for å klatre høgt opp på moloen. Jonas går mest og tenkjer på katten sin Kvitpusen, som mora tok med til dyrelegen tidlegare på dagen.

Det er så kjekt at det kjem bornebøker som handlar om fisking. Det er noko dei fleste born kan ha som fritidsaktivitet her i fylket og det er mykje nostalgi for alle aldrar i fiskehistorier.  I boka lærar lesaren om mange fiskesortar og ein får lyst til å komme seg ut å fiske. Det er ei fin og munter historie, men har også har alvoret i seg, då Jonas går og er redd for katten sin som kanskje må avlivast.   

    

Del på facebook
Bestem deg, Tony T, bestem deg!

Tony T er på besøk hos bestefar. Det er sommarferie, og det er deilig å vere på landet. Silja, søskenbarnet til Tony T er også der. Det Tony ikkje veit, er at bestefar også skjuler ei jente som er ulovleg flyktning. Kan ein gjere slikt? Han synest det er vanskeleg å vite kva som er rett. Skal han seie frå til politiet? Dette er trass alt eit lovbrot? Eller skal han hjelpe denne jenta? Kva veit han eigentleg om henne? 

Boka er lettlest og har teikneserieinnslag, i tillegg til at også resten av sidene er rikt illustrerte. Det fins mange historier om å kome til eit framandt land, men det å ta imot flyktningar er mindre beskrive. Simon Strangers tre bøker Barsakh, Verdensredderne og De som ikke finnes omtalar rett nok same tematikk. Tony er ein reflektert og klok gut, og ser både positive og negative sider med det som bestefaren gjer. Lesaren får også gjort seg opp si eiga meining, og det er jo nettopp noko av det flotte med litteratur: Vi får gjere oss konsekvenslause erfaringar, altså erfaringar som personane i boka må ta konsekvensane av, medan vi får site att med lærdomen. Boka er innlemma i Bok til alle-konseptet, som er ei ordning der norske bibliotek får tilsendt bøker tilpassa lesargrupper som av ulike årsaker ikkje så lett kan tileigne seg tekst. Men denne boka passar for alle lesarar mellom 9 og 12 år.

Del på facebook
Mia og Mette på sommerturnering

Boka Mia og Mette på sommerturnering handlar om ei handballturnering der jentene måtte spele fleire kamper mot lag som Utby, FIH og ein hardtspelande spelar som heiter Vanja. Vanja er rå og flink i handball og dessutan kontrollerande og vanskeleg å dekke opp. Hun dyttar og slår spelarar med olbogen og følgjer ikkje nokon av handballreglane. No må Mia og Mette spele mot henne!

Boka er ei spennande barnebok som er perfekt for barn som vil lære meir om handball. Handball er ikkje eit lett ballspel og er heller ikkje så lett å forstå seg på skriftleg, men denne boka fortel deg alt du treng å vite, speleposisjonar, fakta om handball og korleis bruke dei forskjellige handballfintene.

Mia og Mette er bestevenninner som spelar på same handballag, SIF. Det er laga mange bøker om Mia og Mette og lagkameratane deira og denne gongen var laget med på sommarturnering.

Mia og Mette på handballbanen, Mia og Mette på legevakta, Mia og Mette trener flyger er berre nokre av seriebøkene eg kjem på.

 

 

Del på facebook
Höjer, Dan:

Superrask

Superrask

Spennande å lese om verdas raskaste menneske, dyr, bil, tog og fly. Også andre artige fakta les vi om. Visste du at verdas raskaste berg-og-dal-bane ligg i Abu Dhabi i Dubai? Det gjorde i alle fall ikkje eg. Det finns mange rare fartsrekordarar – til dømes Andrea frå Tyskland som kyssa 10 002 menneske på fem timar. Slå den du!

Dette er ei lettlest bok med korte til middels lange setningar og med fargeillustrasjonar, ofte med eit artig preg, på kvar side.

Superrask er med i Leseland Fakta på nivå tre som er tilpassa barn som les, men som enno ikkje er uthaldande i lesinga. Her finn du også titlane «Supersmart» og «Supersterk».

Det er svært kjærkome med lettlesne faktabøker på nynorsk, dette vil vi ha meir av!

Del på facebook
Anna Fiske:

Oldemor

Oldemor

Lukas besøker oldemor. Han lurer på hvorfor oldemoren har så skrukkete hender og hvite tenner. Hvorfor hun har noe i øret og hvorfor hun går med vogn. Oldemor forteller. Hun svarer på spørsmålene ved å mimre tilbake til sin barndom og oppvekst. Leseren blir tatt med på en tidsreise som strekker seg fra da oldemor ble født i 1916, og fram til i dag i 2016.

Lukas stiller et spørsmål. Oldemor svarer. Alle svarene er illustrert på en beskrivende måte som samsvarer med det som blir fortalt. Boken kan minne om et fotoalbum. Hver illustrasjon har årstall og kort beskrivelse. Når spørsmålet til Lukas er besvart, følger et spørsmål til leseren. Siden boken legger opp til samtale om ulike temaer, egner denne seg spesielt godt til høytlesning. Både for barn og voksne. Den kan også brukes som erindringsbok for demente.

Boken er lettlest med store bokstaver og støttet av Leser søker bok.

Del på facebook
Margareta Nordqvist:

Ville Billy

Ville Billy

Vi møter Pelle som bur på ein gard med hestar, kyr, sauer og høner. Hestane heiter Tulla og Totto. Ein dag kjem ein ny hest på besøk til garden der Pelle bur. Billy, som hesten heiter, er litt av ein villstyring. Han leikar ei stund med Tulla og Totto, men så synes han det vert for kjedeleg. Han hoppar over gjerdet og stikk av. Dette skjer ikkje berre ein gong, men gong etter gong. Pelle får litt av ein jobb med å passe på Billy – men jammen er det artig også!

Boka er med i serien «Dyrevennene» som er lettleste bøker med korte setningar og enkle ord i store bokstavar. Dei høver for småskulen og mellomsteget. Gode og vakre fargeillustrasjonar heng godt i hop med teksten og gjer det enklare å forstå innhaldet. Bøkene er kjekke å lese – særleg for dei som er glade i dyr.

Dei andre bøkene i serien er om kattar, hundar, kaninar, grisar og til og med akvariefisk.

Del på facebook
Sylvia Heinlein:

Dei hemmelege superheltane

Dei hemmelege superheltane
Leseland

Boka kjem i Samlagsserien Leseland,  Nivå 4 (Leseproffen) som har 70-90 ord på sida og er for dei som treng litt meire å bryne seg på. Det er kjærkome med slike morosame bøker på nynorsk når ungane skal praktisere og trene på det dei lærer i skulen.

Denne boka er frå 2015, men nå i 2016 kjem det 18 nye titlar for ulike lesenivå og aldersgrupper

Willi, Mikke og Jonny har ein hemmeleg klubb: "Dei beste".
Der les dei teineseriar om superheltar som Supermann, Gigamann og Geckogirl  - og så drikk dei brus og et kjeks og drøymer om å treffe superheltane. Innimellom dreg dei til teikneseriesjappa for å hamstre nye seriar, men den tjukke mannen som eig sjappa er skikkeleg sur og jagar dei når dei bare vil kikke, - og så har han eit hemmeleg rom dit han ber inn heile las med pizza. Kan verkeleg ein mann ete så mykje? Våre unge heltar vil finne ut av dette og lagar ein hemmeleg plan som faktisk fungerer. Dei får møte heltane sine som kjem på besøk i hytta til den hemmeleg klubben!
Superheltane er glade for å få nye vener, men dei er leie seg for at ingen trur på dei, eller har oppdrag til dei. Derfor  må "Dei beste" ordne opp for dei fantastiske.
Fabulerande og leiken lettlesingsbok for litt større barn.

Del på facebook
Linda Palm:

Ti små vennebøker

Ti små vennebøker

Denne serien på 10 bøker handlar om vennskap. Kvar bok har eit emne:  Seie unnskyld, Dele, Vente på tur, Seie stopp, Roe seg ned, Bli einige, Snakke om det, Samarbeide, Spreie glede og Vise kjensler.

Hovudpersonar som er dei same i alle bøkene, er Kanin og Piggsvin. Dei går i barnehagen og er gode venar, men av og til oppstår det «problemsituasjonar» som ein må løyse. Då er det ofte dei vaksne som finn sine metoder for å forklare korleis vi skal oppføre oss mot kvarandre. I desse bøkene er det Grevling og Ekorn som gir ein lærdom via dialog eller aktivitet. Små vers som Grevling og Ekorn lærer til dyra i barnehagen, er veldig fine og kan brukast i kvardagen. Til dømes, vers om å dele:

«Den som deler,

Den som deler

Gjer ein annan glad.

Eg vil dele med deg.

Vil du dele med meg?

Den som deler,

den som deler,

gjer ein annan glad.»

I To små vennebøker kan lesaren kjenne igjen kvardagssituasjonar både i barnehage, heime og andre plassar. Bøkene kan leses i lag med dei minste. Dei kan brukast som emne når du vil snakke om kjensler og dette med å vere hyggeleg mot kvarandre. Stor skrift, korte setningar og fargerike bilde gjer at også småskoletrinneborn kan lese desse bøkene. Og ikkje minst viktig at alle bøkene er på nynorsk.

Del på facebook
Kaja og Stine og gutten som forsvant

Det er ein fin sommardag, og Kaja og Stine er på badestranda. Dei svømmer og leikar seg i vatnet. Plutseleg får dei høyre at vesle Magnus på 4 år har forsvunne. Kan han ha drukna? Kaja og Stine forstår fort at dette er ei sak for detektivane "Dei små blå". Medan dei leitar etter den vesle guten, treff dei på Lars som gøymer seg i skogen.Han vil ikkje fortelje dei kvifor han gjer det. Kan han ha noko med forsvinninga til den vesle guten å gjere?

Dette er ei ny sak for detektivane "Dei små blå." Det er den sjuande boka om Kaja og Stine. Boka er gitt ut i serien Den hvite lesehesten, som passar godt for barn i 1. og 2. klasse, dei som nettopp har lært å lese. Boka har stor skrift, korte setningar og er lett å lese. Boka har også fargerike bilete.

Del på facebook

Opningstider 

Måndag 9-15.30  
Tysdag 14-19  
Onsdag 9-15.30  
Torsdag 14-19   
Fredag 9-15.30  

Kontakt

Tlf.: 71 17 15 72
Epost: biblioteket@aukra.kommune.no

Vi blir inspirert av