Hopp til innhold Hopp til hovedmeny

Hjem

> Felles > Bli inspirert > Boktips barn

Margareta Nordqvist:

Ville Billy

Ville Billy

Vi møter Pelle som bur på ein gard med hestar, kyr, sauer og høner. Hestane heiter Tulla og Totto. Ein dag kjem ein ny hest på besøk til garden der Pelle bur. Billy, som hesten heiter, er litt av ein villstyring. Han leikar ei stund med Tulla og Totto, men så synes han det vert for kjedeleg. Han hoppar over gjerdet og stikk av. Dette skjer ikkje berre ein gong, men gong etter gong. Pelle får litt av ein jobb med å passe på Billy – men jammen er det artig også!

Boka er med i serien «Dyrevennene» som er lettleste bøker med korte setningar og enkle ord i store bokstavar. Dei høver for småskulen og mellomsteget. Gode og vakre fargeillustrasjonar heng godt i hop med teksten og gjer det enklare å forstå innhaldet. Bøkene er kjekke å lese – særleg for dei som er glade i dyr.

Dei andre bøkene i serien er om kattar, hundar, kaninar, grisar og til og med akvariefisk.

Del på facebook
Cathrine Myhre Solbjør:

På rømmen i dusteland

På rømmen i dusteland

Elina bur i byen saman med mor og far og livet er fint. Ho har ei bestevenninne som ho leikar med kvar dag, heilt til ho ein dag får vite at mor og far har bestemt at dei skal flytte, ut på landet, Dustelandet. Elina har ikkje lyst til å bu på landet, men det betyr tydelegvis ikkje noko, det er ingen som spør henne.

Når dei kjem til det nye huset visar det seg at det ikkje bur nokon andre barn i nærleiken, nesten ingen folk i det heile tatt faktisk, anna enn ei gammal dame som er så krokrygga at nesa nesten subbar i bakken og gressklipparmannen, som snart visar seg å vere verdas verste barnevakt. Løysinga er openbar, Elina må rømme. Ei vill flukt startar og etter ho kjem barnevakta, ein allergisk hund, ein fiolindetektiv og ein gjeng bartebrødre.Boka er spanande, fartsfylt og morosam og viser med all tydeleghet at det slett ikkje alltid er barna som er mest barnslige og gjer rare ting. Sommaren og sommarles er i gang, og dette er ei knakande fin bok for høgtlesing i verandakroken eller på sengekanten.

Del på facebook
Solveig Blindheim Bendixen:

Teo tøffar seg

Teo tøffar seg

Nok eit sjarmerande møte med førsteklassingen Teo!

I denne boka er det blitt 17. mai – ein stor festdag både for liten og stor. Denne gongen skal Teo gå i tog i lag med klassen sin og ikkje med barnehagen som tidlegare. Mor har til og med sydd bunad til han. Forventningane er difor store når dei forlét huset for å ta del i toget og påfølgjande aktivitetar på skulen. Litt småerting må han tole frå  klassekameratane – dei synest at han ser ut som ei liten nisse. Men ertinga bit ikkje på Teo, for han er stolt over kor fin han er i bunaden. Men det er ein solrik og fin 17. mai, så då vert det varmt med bunad. Han vert tørst og varm og orkar ikkje å vere med på alle dei artige leikane som han hadde gledd seg slik til. Kva skal han gjere? Han er redd for å skuffe mor og lurer på om han skal tørre å ta av seg bunaden. Dette fører til forviklingar og mange artige episodar.

Dette er fjerde boka om Teo. Dei er ypparlege til høgtlesing, både i klassen og heime. Dei tre andre heiter: «Teo i trøbbel», «Teo tar sjansen» og «Tenk at det var Teo!»

Del på facebook
Solveig Blindheim Bendixen :

Teo tøffar seg

Teo tøffar seg

Har du ikkje lese bøkene om Teo enno, så har du noko å gle deg til. Dei handlar om Teo som går i første klasse, og alt det rare, morosame og spennande som han opplever, både på skulen og i fritida.

Les gjerne sjølv eller få nokon til å lese for deg, bøkene er like spennande for store som små.

Eg trur mange vil kjenne seg att i boka ”Teo tøffar seg” no når vi nærmar oss 17.mai.

Dei andre bøkene heiter: ”Teo i trøbbel”, ”Teo tar sjansen” og ”Tenk at det var Teo”.

Det er Solveig Blindheim Bendixen som har skrive dei, og så er dei på nynorsk

Del på facebook
Eselhistorier

Denne boka, redigert av Alf  Kjetil Walgermo, inneheld 43 historier og utdrag frå større bøker om esel av alle slag. Det er det triste og saktmodige eselet, som Tussi hjå Ole Brunn, det skrytande eselet som Æsop fortel om då det fekk seg eit løveskinn, det sta eselet til Silius i Kardemomme by som ikkje ville gå, det dumme eselet som trudde det kunne synge, frå den indiske fabelsamlinga ”Panchatantra”, og det lure eselet til herr Hailu i Eritrea.

Her er historier til underhaldning og til ettertanke, dei fleste korte heilt ned i ¼ side, men det er også nokre lange historie. Dei eldste er fablane til Æsop frå ca år 500 f. Kr., og den nyaste om eit esel på sal av kinesaren Benfu fødd ca 1950. Walgermo har funne eselhistorier  hjå både Agatha Christie og Dickens, Cervantes og Dostojevski, Collodi og C.S. Lewis. Og mange av historiene har han omsett sjølv til eit lettflytande bokmål. Somme av dei kjenner me nok frå før, men det er også spennande å lese eventyr og fablar frå andre kulturar – for så å kjenne dei igjen i litt anna innpakking.

Kjekk bok til underhaldning og til å bli litt klokare av!

Del på facebook
Jørn Lier Horst:

Operasjon Plastpose

Omslagsbilde Operasjon Plastpose

Medlemmene av Detektivbyrå nr. 2 oppdager en mystisk mann. Tiril og Oliver bestemmer seg for å følge etter han, og blir vitner til at mannen bytter plastpose med ei dame på torget.

Hva skjuler seg i posene? For å finne ut av dette må de to unge detektivene både lete gjennom søppel og gå inn i et mørkt rom som lukter vondt. Hunden Åtto er selvfølgelig også med når de har fått en ny sak de må løse. Boka inneholder flere ting å lete etter, noe som gjør leseopplevelsen ekstra spennende. Les boka og bli med å løse mysteriet.

Boka passer godt å lese for deg som har begynt å få god leseflyt.

Del på facebook
Kaja og Stine og gutten som forsvant

Det er ein fin sommardag, og Kaja og Stine er på badestranda. Dei svømmer og leikar seg i vatnet. Plutseleg får dei høyre at vesle Magnus på 4 år har forsvunne. Kan han ha drukna? Kaja og Stine forstår fort at dette er ei sak for detektivane "Dei små blå". Medan dei leitar etter den vesle guten, treff dei på Lars som gøymer seg i skogen.Han vil ikkje fortelje dei kvifor han gjer det. Kan han ha noko med forsvinninga til den vesle guten å gjere?

Dette er ei ny sak for detektivane "Dei små blå." Det er den sjuande boka om Kaja og Stine. Boka er gitt ut i serien Den hvite lesehesten, som passar godt for barn i 1. og 2. klasse, dei som nettopp har lært å lese. Boka har stor skrift, korte setningar og er lett å lese. Boka har også fargerike bilete.

Del på facebook
Rita Løvseth Sandnes:

Lovise

Lovise flytter

Dette er bøkene om Lovise. I den første boken, "Lovise flytter", bor hun i et gult hus sammen med mor, far, lillebror og mormor. Lovise er glad i mormor. Hun har rynker rundt øynene som gjør henne blid, og hun har boller og saft til Lovise. Men en dag kommer mor og far og sier at de skal flytte til byen. Det vil ikke Lovise!

I boka «Lovise får en venn» har hun nettopp flyttet til en stor by og føler seg nokså alene. Men en dag er hun med familien på museum for å se på dinosaurer. Da skjer det noe som først er skummelt, så litt leit, og etterpå veldig fint!

I boka «Lovise og de førti røverne» skal klassen hennes spille teater. De skal spille eventyret Ali Baba og de førti røverne. Men en dag oppdager Lovise at noen har stjålet skatten som Ali Baba skal finne. Hvordan skal de få spilt teater da?

Del på facebook
Bokomslag Ved Arken klokka åtte

Midt ute i et område som bare er is og snø og snø og is står tre små skikkelser. De står tett i tett og uansett hvor de snur seg så ser de bare is og snø og snø og is. Det er tre pingviner som står der, og når du kommer litt nærmere så ser du at den ene er litt mindre enn de andre to. De lukter ganske kraftig av fisk og de krangler stort sett hele tiden. For eksempel om hvem Gud er og om han egentlig finnes siden ingen kan se ham. Og om hva som er snilt og hva som er slemt og hvem som egentlig kommer til himmelen. Og når de to største pingvinene påstår at Gud alltid ser dem, da blir det for mye for minstemann. Han blir så sint og usikker at han rett og slett går fra dem. 

Og akkurat da kommer det en due tumlende ned fra den mørke himmelen og forteller dem at Gud har bestemt seg for å utslette hele verden og begynne forfra. Han hadde fått nok av at mennesker og dyr kranglet og slåss hele tiden. Så nå ville det begynne og regne, og det ville regne helt til hele jorden var dekket av vann.  En mann ved navn Noa hadde fått i oppdrag å bygge en svær båt, hvor det skulle være plass til to av hver art. Pingvinene fikk en billett hver, med streng ordre om ikke å miste dem!  

Idet dua skal dra sier hun at hun har en merkelig følelse av å ha glemt noe... 

De to pingvinene setter i gang å pakke, for det har allerede begynt å regne store regndråper, så de skjønner at det er viktig å komme seg til Arken før klokka 8 som de har fått beskjed om. De snakker litt om hvor heldige de var som sto der akkurat da dua kom. At de var heldige som fikk billettene slik at de ikke ville drukne slik som... 
...den vesle pingvinen. Hva ville skje med ham? De kunne da ikke bare la ham drukne? 

De bestemmer seg etter hvert å smugle ham om bord i Arken og hvordan dette går, og om det blir oppdaget, kan du bare få vite ved å lese boken! 

Boken har enkle illustrasjoner i svart/hvitt, men teksten er så god at man lett lager egne bilder i hodet. Egner seg meget godt til høytlesing. 

Er ikke du også nysgjerrig på hva det var dua hadde glemt? 

Del på facebook
Dei et ikkje sjokoladepålegg i krigen

Røyset har skrive ei realistisk forteljing om korleis det var å vere barn under krigen. Rammeforteljinga er Dagny som har flytta tilbake til mormors gard saman med mor og far. Mormor er Dagnys trøst, ho har alltid god tid og fortel mange spennande historier om krigen Dagny synest mor er urimeleg som nektar henne sjokoladepålegg, og ho kvir seg veldig for å byrje på ny skule der ho ikkje kjenner nokon! Ho gjeng sinna til sengs utan kveldsmat -  og vaknar opp i ei anna verd der ho er midt i krigen vinteren 1944/45! Sjølv om ho eigentleg veit at ho er Dagny, forstend ho etterkvart at det er ho som er "mormor" 10 år gamal, og at mamma og pappa nå, er oldeforeldra hennar. Historia kan lesast som eit mareritt - ho vaknar til slutt etter å ha vore sjuk.

Det er skummelt å leve i eit lita bygd som er full av tyskarar og russefangar og tyske skip rett nede på fjorden som blir bomba av engelskmennene. Maten er ikkje god og skulen er utriveleg. Bokstavane er vanskelege å lese, lærarinna er frykteleg streng, og så er det mykje mobbing. Det har kome ein liten fordriven finnmarksfamilie, og dei andre er slett ikkje snille mot Belinda som dei meinar er samejente (=mobbeobjekt).

Røyset skildrar både stygg mobbing, tysk rassia etter tysting, motstandsfolk i dekning og provokatørar. Der er nokre sterke historier som det kan vere greitt å snakke om i ettertid. Dei verkar sterkare når dei er realistiske.

Røyset bur på Flø og ho har brukt mykje ekte stoff, både henta frå krigslitteraturen og intervju med gamle damer som delvis er modellar i boka.

Boka  har også ei litteraturliste. Passar godt for 10-12-åringar.

Del på facebook

Opningstider Elnesvågen

Måndag  11.00  - 19.00
Tysdag 11.00 -   16.00 
Onsdag 11.00 - 16.00
Torsdag 11.00 - 19.00
Fredag 11.00 - 16.00
Laurdag 10.00 - 14.00

Opningstider Eide

Tysdag 11.00 - 16.00
Onsdag 14.00 - 18.00
Torsdag 13.00 - 16.00

Tlf.: Elnesvågen 71262880

Tlf.: Eide 71296476

Epost: bibliotek@hustadvika.kommune.no

Vi blir inspirert av