Hopp til innhold Hopp til hovedmeny

Hjem

> Felles > Bli inspirert > Boktips ungdom

Alf Kjetil Walgermo:

Kjære søster

Kjære søster

Lillesyster Amalie er død og storesyster Eli Anne treng ein stad kor ho kan handtere sorgen og snakke med systra si. Ho begynner å skrive til Amalie på tidslinja hennar på facebook, sjølv om far deira vil at Eli Anne skal slette profilen. Eli Anna skriv kvar dag små tekstar som berre ho sjølv kan lese, om korleis ho har det, kva ho føler, ho skriv om Amalie og bandet hennar, om Erlend og om det uppgjorde dei imellom, det ho så gjerne skulle har retta opp i.

Då eg las boka kunne eg verkelig kjenne på Eli Anne sin sorg og frustasjon. Eg kjende kor vondt ho hadde det og kunne forestille meg følelsen av å sitje igjen med noko ein gjerne skulle ha sagt, men som ein ikkje rakk å seie før det var altfor seint.

Kjære søster er ei fin, lita facebook-bok om sorg og følelsar, om dei to systrene som var bestevenner og om korleis det er å plutselig berre vere ei syster igjen.

Del på facebook
Arne Svingen:

Litt av en plan!

Litt av en plan

Håkon og søstera Ida finn ein dag eit brev frå faren sin som har funne seg ein ny kjærast. Faren er litt for lite oppteken av barneoppdragelse. Han er åleine om å ta seg av barna sine fordi mora forlot dei for ei god stund sidan. Han synest at bestemor kan passe på barna, mens han erpå reise med den nye kjærasten sin.
Problemet er at bestemora er litt rar, og verken far eller borna har god kontakt med ho. Sjølv om faren skriv i brevet sitt at Håkon og Ida må gi beskjed til bestemora om at ho skal passe på barnebarna sine, gjer dei ikkje det. Dei vil vere åleine nokre dagar (eller veker?) og ha det gøy!
I det første møtet med boka får ein kanskje inntrykk av at boka blir veldig morosam. Men det tok ikkje lang tid å forstå at budskapen er alvorlig: dei som er tøffingar på skulen, kan ha ofte problem i familien. Og det har Håkon. Han lyg på skulen, lyg til naboar, til systera og mange andre for å skjule kor vanskeleg og trist det eigentleg er å ha ein sånn rar familie.
Forteljinga i boka er verkeleg spennande og humørfylt. For meg som lesar var det interessant å følgje med på, korleis Håkon og søstera klarte seg åleine, mens faren var vekk. Håkon hadde mange utfordringar. Kva blei det neste guten kom på?

Les boka og få sjå, kva løysningar Håkon finn på, når tidlegare kjærastar til pappa dukkar opp og leitar etter faren. Eller kva skjer når straumen er vekk på grunn av ubetalte rekningar? Kva løysning har Håkon for å skaffe pengar til mat og andre ting? Kva som skjer når Håkon blir forelska for fyrste gong? Les boka, det blir ikkje kjedeleg, det garanterer eg!

Del på facebook
Camilla Otterlei:

Selma & Louise

Selma & Louise

Hildegard er femten år, har nettopp mista besteveninna si og føler seg skikkelege utanfor. Ho ser fram til årets høgdepunkt – sommarbesøk av det smellvakre og tøffe søskenbarnet sitt, Selma. No skal det endeleg skje noko – og det gjer det til gangs! Selma har nettopp byrja å prøvekøyre. Jentene tjuvlåner bilen og legg ut ein vill biltur slik som jentene i filmen «Thelma & Louise».  

Boka er både spennande og underhaldande, og sjølvsagt med litt romantikk i lufta. Det er ei lettlest bok som vil passe godt for ungdommar som av ulike grunnar ikkje les så mykje. Eg trur også at særleg jenter i ungdomsskulen vil like denne boka.

Del på facebook
Levi Henriksen:

Dommedag kan vente

Dommedag kan vente

-  Jeg har sju dager igjen til å være Astrid Baros før hele livet mitt blir snudd på hodet. Sju dager, en uke, 168 timer. Hva skal jeg med lister til da, når jeg ikke har annet å se fram til enn å bli Astrid Baros, storesøstera til lille Bøtteknott?

Det er gått to år siden “Engelen i Djevelgapet” da Astrid førte foreldrene sammen igjen etter skilsmissen, og nå er det helt andre utfordringer som venter. Astrid skal bli storesøster!

Dette ser hun ikke særlig lyst til, hun er 13 år og vil helst ikke tenke på noe som helst rundt det med babyer, foreldre og den slags. Hun “fyller hodet med ting som ikke er så viktige, for da blir det mindre plass til de alvorlige”. Astrid er tøff, handlekraftig og en litt irriterende nerd på skolen. Men heldigvis får hun konkurranse om den rollen når Matt kommer.

Matts foreldre er overbevist om at dommedag vil komme, og de forbereder seg, med hermetikk, bunkersgraving og øvelser. Og skumle ting skjer i Kongsvingers skoger igjen, Matts hest dør, ulvejegere jakter ikke bare ulv og snart er Matt og Astrid i livsfare.

Levi Henriksen skriver som vanlig svært stødig om sine Kongsvinger- trakter, og har igjen greid å skrive en krim for ungdom som inneholder både spenning og følelser. At Henriksen er en mester til å beskrive forhold mellom mennesker vet vi fra før, gjennom hans romaner og noveller akkurat fra dette landskapet. Men at en mann evner å skrive så godt ut fra en ung jentes synsvinkel er imponerende. Boka er for barn og unge på mellomtrinnet, og bør leses av foreldre også, her er det mye å hente.

Del på facebook
R.J. Palacio:

Mirakel

Mirakel

I ”Mirakel” leser vi om utfordringene som en gutt med en ansiktsdeformitet møter på ungdomsskolen. Bortsett fra hans utseende er August en vanlig gutt med interesser typiske for hans alder. Ikke uforventet opplever han å bli mobbet på skolen fordi han ser annerledes ut. Boken gir et realistisk blikk på en brutal virkelighet som ikke alltid er tatt opp i ungdomsbøker.

Den er dristig, til tider morsom, inspirerende og engasjerende. Det handler om identitet og hvordan vi behandler andre mennesker. Boken har sine triste deler, men vi heier på hovedpersonen, ikke fordi vi synes synd på han men heller fordi vi liker han for hvem han er. Det er ikke mye ”action” men den er fengslende fordi vi blir engasjert i personene i fortellingen. Palacio forteller historien fra flere synsvinkler i tillegg til Augusts, inkludert hans storesøster Via. ”Mirakel” passer godt til både gutter og jenter.

Forfatteren fikk inspirasjon til å skrive boken etter at hun opplevde at barna hennes på en ferietur reagerte upassende på en jente med et liknende utseende som Augusts. Palacio begynte å tenke på hvordan jente måtte ha det til daglig og på hvordan hun kunne ha lært sine egne barn å takle situasjonen bedre.

Del på facebook
Jan Tore Noreng:

Skyggefødt

Skyggefødt

Ungdommane Jon, Kalle, Pia og Andreas, i alderen 14-17 år, stikk av frå "Vassmo motherfuckings behandlingshjem" som Kalle seier.

Hovudpersonen Jon, pene Pia, utilreknelege Kalle og snilde Andreas, har alle si historie. Kalle har stole ein bil og han køyrer. Dei har ingen plan. Dei vil berre vekk frå eit samfunn som dei har lært å hate og som tilsynelatande ikkje har plass til slike "trøbblete jævlar" som dei. Når dei andre byrjar å mase om kvar dei skal, svingar Kalle inn på ein humpete veg som tek dei til ein gamal nedlagt gard langt frå folk.

Dette må vel vere den perfekte plassen for å slappe av og feste?

Spenninga mellom ungdommane vert større etter kvart som dei forstår at dei ikkje er åleine på garden. Andreas er den som merkar det først, dei andre tek han ikkje på alvor før det er forseint....

Det bur verkeleg nokre farlege skapningar under jorda på den gamle garden. Slike ein skal repektere.

No har ungdommane forstyrra dei og dei er slettes ikkje glade. Dessutan møter Jon ei mystisk, nydeleg jente i skogen.

Det er mykje action og dramatikk i boka, ganske brutal til tider, med ei røff handling og eit tøft språk. Det er ikkje sikkert at alle kjem seg trygt heim!

Boka passar best for alderen 13 år og oppover til utolmodige lesarar på vidaregåande.

Den vil verte likt av gutar og jenter som likar grøss og action. Les den sjølv, men ikkje åleine på hytta for denne boka er skummel.

Jan Tore si heimeside finn du her http://noreng.wordpress.com/

Del på facebook
Bob-en veldig uvanlig katt

Likar du sanne historier? Ikkje sånne som er oppdikta, men rett og slett har skjedd /skjer? Då er kanskje denne boka om den sjarmerande gatekatten Bob den rette for deg.

Bob er ein veldig uvanlig katt, ja. Han er verkeleg det. Kvifor? Fordi at han er litt sånn… ein spesiell katt.

James Bowen har vore gatemusikant i London og heroinavhengig. Han har ikkje hatt det lett i livet før han treff pusegutt Bob i oppgangen i blokka der James bur. Det forandrar alt i livet til begge to. James bestemmer seg for å ta vare på den forlatte kattungen, og ei felles historie for dei begge begynner.

Dei gjer alt i lag og passar veldig godt på kvarandre. For eksempel, kvar dag reiser dei til sentrum for å spele på gata. Og der det tidlegare var vanskeleg å tjene noko, er det no stadig nye folk som beundrar begge vennane og pengar strøymer inn. Bob varmar mange hjarter, og fort blir dei populære ikkje berre i det nærmaste området dei brukar til å spele, men etter kvart i heile verda faktisk!

Ei morosam, rørande og imponerande historie om vennskap. Boka er omsett til over 30 språk, og begge kameratane har blitt verkelege kjendisar!

Boka passar for ungdommar i ungdomsskulealder.

Del på facebook
Leon Leyson:

Gutten på trekassa

Gutten på trekassa

Har du høyrt om Schindlers liste?

Dette er den sanne historien om Leon fortalt av han sjølv.

Leon var jøde og levde eit sorglaust liv i Polen . Då han berre var 10 år gamal vart Polen invadert av tyskerane og heile familien vart sendt til arbeidsleir i Krakow. Faren til Leon fekk arbeid på  Oskar Schindler sin fabrikk og overtalte Schindler  til å la sonen også få lov til å arbeide der.  Dermed vart Leon den yngste på fabrikken og så liten at han stod på trekasse for å rekke opp til maskinen. Han fekk nummeret  289 og vart  den yngste på Schindler si liste. Schindler redda mange jødar under krigen, men ikkje alle var så heldige at dei fekk kome på lista hans.

Historien til Leon og familien hans er tragisk og også spennande.  I boka får du eit innblikk i kvardagen til dei som bodde i gettoen i Krakow på godt og vondt,  og du føler redselen og  desperasjonen.   Alle kjempar for å overleve.

Skal du til Polen og Krakow for å sjå og høyre kva som skjedde der under krigen, eller er du berre interessert i å lese ei historie i frå verklegheita, les denne boka.  Den gjer inntrykk.

Del på facebook
Lene Kaaberbøl:

Villheks - Eldprøva

Villheks - Eldprøva

Sjå for deg ein heilt vanleg dag i ditt heilt vanlege liv. Tenk deg sjokket når du plutseleg vert klort i ansiktet av ein diger katt, og verda aldri meir vert den same. For du får vite at du eigentleg er ei villheks, og må flytte til rare tante Isa, som du aldri har møtt. 

Dette hende Clara. Ei heilt vanleg jente, som brått vert kasta inn i ei verd av magi og spenning - ho som ikkje kan noko om magi frå før! Ho kjenner seg ganske udugeleg som villheks, og har aldri forestilt seg at det var dette ho skulle bli. Korleis skal det då gå med den store eldprøva ho må gjennom for å verte ei ekte villheks?

Eldprøva er første bok i Villheks-serien. Noko av det som gjer bøkene ekstra spennande, er at dei er så truverdige at du faktisk trur Clara vart overfallen av ein kjempekatt i trappa i huset ho bur i. At katten slikka i seg blodet frå ansiktet hennar, og at ho vart liggande febersjuk og elendig etterpå. Den magiske verda og vår "vanlege" verd flettast inn i kvarandre, og vi heiar verkeleg på Clara!

Danske Lene Kaaberbøl er kanskje mest kjend for serien Skammarens dotter, men Villheks-serien er også blitt populær blant både gutar og jenter. Bøkene er skrivne på herleg nynorsk, og skremmer det deg, kan eg sitere ein lånar (gut, ca 12): "Dei er så spennande at eg ikkje merkar at eg les nynorsk, ein gong!" Det er relativt korte bøker, så om du ikkje er av dei som kastar deg over "mursteinsbøker", vil desse vere svært fine. Kos deg!

Del på facebook
Lars Mæhle:

Landet under isen

Landet under isen

Vil du lese ein verkeleg spanande fantasyroman med handling i frå Noreg, så er dette boka! Historia er lagt til ei lita bygd i Noreg, ved foten av Jostedalsbreen, og også under sjølve breen. Dette nære i forteljinga gjer den ekstra uhyggeleg. Ein vert dratt inn i historia frå fyrste side og ein klarer ikkje å vente med å lese meir. Fire ungdomar er sakna frå bygda, no er beinrestar funnen og politiførstebetjent Jerstad kjem til staden for å etterforske forsvinningane.

Dei siste åra har det kome svart røyk frå ein stad under isbreen og for nokre år sidan forsvann ei gruppe forskarar under ein ekspedisjon på breen. To av forskarane som forsvann var foreldra til Leo Rubin, ein av dei forsvunne ungdomane.

 

Boka beveger seg i tid og handling mellom etterforskinga som Jerstad og teamet hans no utfører og den andre hovudpersonen Leo Rubin, som vi fylgjer frå tida før han forsvann. Desse to tidene møtast til slutt i boka. Ein stor del av handlinga er ei detektivhistorie, men her er fullt opp av fantasy med munkekattar, hemmelege sekter, den utvalde, sju protokollar, Den svarte munken og kampen mellom det gode og det onde.   

Boka passar godt for lesarar frå 6. klasse og oppover og egnar seg også bra til høgtlesing, då det er ei tjukk bok. Men, dette er også absolutt spanande lesing for eldre ungdom.

”Landet under isen” kom ut i 2009 og vart tildelt Kulturdepartementets litteraturpris for beste barne- og ungdomsbok det året. Den har også vunne Uprisen, Fabelprisen og vart også nominert til Brageprisen. Boka er skrive på nynorsk.  Har du ikkje lese den enno, er det berre å forte deg til biblioteket!

 

Del på facebook
     
OPNINGSTIDER:    
Måndag: 12-19  
Tysdag: 12-19  
Onsdag: STENGT  
Torsdag:   12-19  
Fredag: 12-16  
Laurdag: 11-14  

E-post: post@folkebiblioteket.no
Telefon: 7004 5520

 

Postadresse:
Postboks 64, 6151 Ørsta

Besøksadresse:
Holmegata 7, 6153 Ørsta

Vi blir inspirert av