Hopp til innhold Hopp til hovedmeny

Hjem

> Felles > Bli inspirert

Velkommen til tipsbloggen Bli inspirert

På denne bloggen vil over 50 bibliotektilsette i Møre og Romsdal dele bok- og filmtips med deg. Du vil finne nye tips kvar veke! 

Bloggen er i stor grad bygd på dugnad og delingskultur mellom folkebiblioteka i fylket. Dette gjer det mogleg også for små bibliotek å ha aktive nettsider. Sidan ein mellom dei tilsette finn ulike tungemål, vil du på desse sidene finne tekstar på både bokmål, nynorsk, svensk og dansk... 

Vi håper at du vil la deg inspirere! Du kan velje kategori i menyen til venstre.Nedanfor ser du dei nyaste boktipsa som har blitt lagt inn.

Antoine de Saint-Exupéry:

Den vesle prinsen

Den vesle prinsen

Den vesle prinsen

Den franske klassikaren av Antoine de Saint-Exupéry er endeleg komen på nynorsk, oversett av ingen ringare en Jon Fosse.

I boka har forfattaren nødlanda med flyet sitt i Sahara der han møter på den vesle prinsen frå asteroide B 612, som har reist langt for å finne ein ven. Gjennom samtalar mellom dei to kjem forteljinga om reisa til den vesle prinsen fram. Ein får høyre om dei forskjellige personane, dyra og plantene prinsen møtte på si ferd og kva inntrykk han fekk av dei og kva lærdom han fekk av møta.

 

Ei nydeleg, filosofisk forteljing om korleis vaksne og born ser forskjellig på verda og kva som er viktig i livet. «Det er berre med hjartet ein ser godt. Det viktigaste er usynleg for auga.»

Boka er illustrert av forfattaren.

Del på facebook
James Dawson:

Å være gutt

Å være gutt

Å være gutt

Dette er boka som gjev svar på alt det du lurer på og ting du ikkje visste du trengte å vite.

Boka er gjennomsyra av humor, frå James Dawson sine kommentarar til dei artige illustrasjonane av Spike Gerrell, men gir samstundes ei god innføring i både dei fysiske og sosiale utfordringane gutar kan støyte på i puberteten.

Boka vender seg først og fremst til ungdommen, men har og eit kapittel som forklarar vaksne korleis det kan vere å vere ung gut i dagens teknologiske samfunn og kvifor forfattaren har valt å vere dønn ærleg om det meste.

Dette er ei fagbok som tek for seg alt frå kva som skjer med kroppen i puberteten til korleis ein «dumpar» nokon på ein fin måte.

Forfattaren skriv med humor om emnet og er på bølgelengde med lesaren utan moralsk peikefinger.

Del på facebook
Robert Jordan:

Verdens øye

Verdens øye

Verdens øye

Feiringa av vårfestivalen «Bel Tine» vert ikkje som tidlegare år for innbyggarane i landsbyen Emondsmark når dei plutseleg vert angrepne av mørkevesen dei trudde berre heldt til i forteljingane. To framande som kom til landsbyen kvelden før, ein Aes Sedai (ei kvinne som kan styre den eine krafta) og hennar voktar, er dei som får hordene til å trekkje seg tilbake, midlertidig. Kva var mørkevesena ute etter og kvifor var angrepet retta mot berre 3 hus i landsbyen?

Dei tre unge vennene Rand, Mat og Perrin, to bondesøner og ein smedlærling befinn seg plutselig i ein situasjon der dei må flykte når det kjem fram at det er dei mørkeyngelet er på jakt etter.

Saman med Aes Sedaien, Voktaren hennar og vertshuseigarens sta dotter Egwene, som Rand har eit godt auge til, flyktar de ifrå Emondsmark for at landsbyen skal vere trygg.

 Kva er det som er so spesiellt med dei tre venane, kvifor vil Den Mørkaste ha tak i dei og vil dei nokonsinne kunne dra heim?

Liva deira er vevd inn i det store Mønsteret som tidshjulet vev, og «hjulet vever som hjulet vil».

 

Dette er den fyrste boka i den spanande Tidshjulet-serien til Robert Jordan. Jordan har bygd eit storslått univers med ulike folkeslag og skikkar som gir liv og farge til denne serien som strekk seg over 14 bøker. No skal bok-serien bli tv-serie så det er ei framifrå tid å byrje å lese desse bøkene. Dei første bøkene er digitalisert av Nasjonalbiblioteket og ligg ute på nettbiblioteket deira.

Del på facebook
Karin Fossum:

Bakom synger døden

Bokomslag til Bakom synger døden

Bakom synger døden - bokomslag

Psykologisk krim med overbetjent Konrad Sejer i hovedrollen.

To drap skjer med kort mellomrom i en liten by i Norge. Det ene er et drap på en ung tenårings-jente som blir funnet kvalt i skogen. Hun har diktet opp en røverhistorie til foreldrene om hvor hun er, så en del av etterforskningen går ut på å finne ut hvor hun egentlig har vært. Hun blir beskrevet som vakker, selvopptatt, manipulerende og ikke bare sympatisk. Det andre drapet er et svært voldelig, stygt drap på en ung gutt som blir funnet på en kai i byen. Han bor på en institusjon, og blir også beskrevet som vakker, uærlig og ganske manipulerende.

Boken skifter mellom han som drepte gutten sitt perspektiv og etterforsker Sejers. Drapet på gutten blir beskrevet av drapsmannen, så der får leseren vite hva som skjer og hva som utløser handlingen. Drapsmannen er en stakkarslig, ulykkelig, meget overvektig ung mann som klikker fullstendig. Gutten er så mishandlet at det er vanskelig å identifisere ham.

Drapsmannen rettferdiggjør i sitt hode drapet på gutten, og mener at han var verdiløs og fortjente det. Sejer´s etterforskning av de to drapene, gir ham flere mulige mistenkte, og innblikk i mange dysfunksjonelle familieforhold.

Etterforsker Sejer er sympatisk, rolig og klok, og har empati med de skakkjørte han møter. Sejer er i bøkene beskrevet som lang og tynn, og Bjørn Sundquist som spiller ham i fem filmatiseringer av tidligere bøker, er langt unna det bildet man får i hodet når man leser bøkene. Dette er antagelig den siste boken med Sejer, som begynner å føle seg gammel og sliten, lik hunden sin. Løsningen er ikke innlysende, boken er meget godt skrevet, og spennende hele veien. En av de beste Fossum har skrevet, og etter min mening årets beste krim. Anbefales på det varmeste!

Del på facebook
Terrence Malick:

A Hidden Life

Illustrasjon filmen A hidden life

Filmillustrasjon A hidden life

For lang film, men med fire «men» …

Første «men»:

Filmen er basert på ei sann historie, og det gjer alltid filmane meir interessante. Også for å høre korleis det var da, og vart i ettertid. For sjølv om handlinga er lagt til 2. verdskrigen, lever fleire av dei som er portretterte  i filmen om Franz Jägerstätter i dag.

Jägerstätter er ein av dei heller ukjente heltane frå verdskrigen. Etter at Austerrike vart meir eller mindre «tvangsinnmeldt» i Tyskland, måtte alle vernepliktige sverje truskap til «Der Führer». Jägerstätter var ingen pasifist, men nekta å reise handa når han vart kalla til teneste. Ein rein formalitet – og minste motstands veg – for dei fleste, men Jägerstätter sto prinsippfast mot – sjølv om han hadde mor, kone og små ungar som sleit for å overleve på fjellgarden heime.

Andre «men»:

Terrence Malick er ein visuell filmskapar, i motsetnad til mange kjappe, handlingsorienterte regissørar. Filmane er difor alltid nydelege, med flott fargebruk og perfekt komponerte bilete. Her er det berre å nyte for dei som likar det estetiske. Da gjer det ikkje så mykje at filmen er veldig lang. Det går an å sette på pause, lage seg ein te-kopp, gløtte litt ut glaset, mumle eit lett «ja, ja …» og så sette seg ned igjen og trykke «play». 

«A Hidden Life» er fotografert av Jörg Widmer, som også har arbeidd på andre Malick-filmar. Bruk av vidvinkel er overraskande med eit utruleg storslagent landskap, men skapar spennande linjeføring i bilda. Flott levert!

Tredje «men»:

Tyske Widmer er nok eit pluss for filmen, og det same er at Malick ikkje brukar amerikanske skuespelarar. Her er det stort sett «ekte» europearar som spelar kvardagsmenneske, og gjer det truverdig. Hovudrollene har tyske August Diehl og austerriske Valerie Pachner. Filmen vart også den siste til Bruno Ganz, som tidlegare har briljert som Adolf Hitler i «Der Untergang».

Fjerde «men»:

Filmen er meir som ein «bildestraum» som verkar meditativ og resonnerande på dei som ser den. Den tek for seg store spørsmål med grubleria kring kor hardt skal ein stå på sine moralske prinsipp og si tru. Finst det ei grense når ein samtidig veit at det ikkje berre får konsekvensar for seg sjølv, men også andre? Dei fleste finn nok ei slik grense, men gjorde det det for Franz Jägerstätter? Filmen gir svaret … 

Konklusjon:

Fann du eit «men» som skjerpa interessa for å sjå filmen, kan den (fjern)lånast frå ditt bibliotek. Om ikkje, vil nok filmen opplevast som altfor lang for deg.

Del på facebook
Lars Mæhle, Odd Henning Skyllingstad:

Hvem gikk med utesko inne?

Bokomslag Hvem gikk med utesko inne?

Hvem gikk med utesko inne?

Mysteriene i Kråkeslottet barnehage er en serie billedbøker for førskolebarn med titler som Hvem er bolletyven?, Hvem har tatt brillene?, Hvem har tatt pølsene?, Hvor er myggen? osv.

Boken Hvem gikk med utesko inne? er en humoristisk barnehagekrim om dagligdagse mysterier som barnehagebarn vil kjenne seg godt igjen i. Barnehageungene Leon og Live bedriver intenst detektivarbeid for å finne ut hvem skurken er, og klarer det så klart til slutt. Alt ender godt, og det blir en trivelig avslutning med boller og saft til alle. Testet ut boken på familiens 5-åring, og hun levde seg inn i mysteriet og ble ganske ivrig. Så var det også litt skummelt noen ganger når feil person ble mistenkt. Så denne boken har blitt lest flere ganger, slik barn i den alderen ofte liker. Og litt morsom å lese for den som er voksen også.

Del på facebook
Christoph Ransmayr:

Cox, eller tidens gang

Cox, eller tidens gang

Ei forteljing om tid (og ei anna tid)

Om ein tenkjer på store rike og imperium på 1700-talet, ser ein kanskje først for seg England, Spania eller ei anna europeisk stormakt. Men lengre aust fanst også eit stort rike, Kina. I denne boka får lesaren eit innblikk i livet rundt keisaren av Kina på 1700-talet, der det er rikdom og velstand i overflod, men der alle berre er eit feilslått blikk eller ein uheldig kommentar unna å bli hengde, eller det som verre er. Samstundes handlar boka om menneska sitt forhold til tida, om korleis dei somme gongar kan ønskje å bremse, framskunde eller stanse denne udefinerbare tikkinga som driv eit liv framover. Boka er full av detaljerte skildringar av hendingar og stader. Dette gjer historia realistisk, men det gjer det også til ei litt utfordrande bok å lese, fordi setningane kan vere lange og innehalde mange skildringar på ein gong. Med andre ord er det berre å hengje med!

 

Boka handlar om Alister Cox, ein kjend urmakar frå England. Saman med tre hjelparar reiser han over havet for å lage ur for keisaren av Kina. Han blir innlosjert i Den forbodne by og omgjeven av livet rundt keisaren, Dei titusenårs herre. Keisaren er ein uberekneleg og gåtefull mann som ønskjer å kontrollerer alt i verda, inkludert tida. Han gjev Cox ei oppgåve som ingen før har greidd å løyse, nemleg å lage eit ur som aldri sluttar å gå. Denne oppgåva set ferdigheitene til urmakarane på prøve, men det er også eit spørsmål om rikdom eller fattigdom, liv eller død.

 

Boka er tilgjengeleg på biblioteket eller i appen Bookbites.

Del på facebook
Johan B. Mjønes:

Heim

Cover Heim

For ein lesar som i løpet av få år har følgt si gamle mor, ei tante og to svigerforeldre inn i døden på ulike sjukeheimar, vart Johan B. Mjønes sin roman Heim ei særs sterk lesaroppleving! Forfattaren skriv stillfarande, nært og overtydande om noko vi ikkje kan ha klar kunnskap om: det siste døgnet i ein gamal, døyande manns liv.

Kliniske rapportnotatar frå det daglege stellet, ført i pennen av pleiarane, deler opp dagen der Jørgen Heim kjempar ein dødskamp medan han glir inn og ut av fantasiar og fragmenterte minne frå eit langt liv. Kroppslege sanseinntrykk i røynda utløyser minner frå oppveksten på familiegarden Heim i Trøndelag. Der bur han saman med foreldra, farfar og ikkje minst storebroren som er odelsgut. I brotstykke kjem lesaren tett inn på arbeidsprosessane på garden og i skogen. Vi følgjer korleis tradisjonell gardsdrift etter kvart står steilt mot nye tider som kjem, Jørgens møte med kjærleiken, livet som tenåring under andre verdskrigen. Når ei stor katastrofe rammar den vesle familien, må livet ta ei ny vending for Jørgen.

Trass i at livshendingane ikkje blir skildra i kronologisk orden, er vekslinga mellom notid, fortid og fantasiar ikkje forvirrande. Overgangane er elegant og smidig utført, i eit språk som ligg tettare på farfaren til forfattaren sitt språk enn hans eige akademiske, som Mjønes seier i eit intervju. Forfattaren sjølv har jobba som pleieassistent på ein sjukeheim og at han har innsikt i palliativ pleie og livet i ein sjukeheim, er tydeleg.

Bokomslaget må og nemnast: To aldrande hender, der høgrehanda sjekkar armbandsuret på den venstre - er eit utsnitt av maleriet Ringen sluttet (1977) av Håkon Bleken.

Heim er ein gripande roman som også er utmerkt innlese av Jan Martin Johnsen – for den som måtte ønskje å høyre lydboka.

Del på facebook
Hans Jørgen Sandnes:

Krypto : Ned i dypet

Krypto

Dette er den første boka i ein ny serie om Ophelia, ei ung jente med grønt hår. Ho flyttar inn i ein fosterfamilie i den vesle kystbyen Saltvik. Her blir ho kjend med naboen Bernard, som er fiskar. Både Ophelia og Bernard er interesserte i kryptozoologi, læra om mytologiske dyr ein ikkje har bevis for at har eksistert. Ophelia finn seg fort til rette på den nye heimstaden og trivst i den nye og klatreinteresserte familien sin.

Saltvik verkar idyllisk, men ikkje alt er som det skal vere. Ein gut har forsvunne i havet etter å ha bada saman med venene sine. Politiet står heilt utan ledetrådar. Samstundes ser Bernard og Ophelia spor etter eit mystisk vesen som bur i havet utanfor byen. Kan det undersjøiske vesenet ha noko med forsvinninga til guten å gjere?

Hans Jørgen Sandnes er ein røynd illustratør, som mellom anna står bak teikningane i den populære serien Detektivbyrå nr. 2, som er skriven av krimforfattar og eks-politimann Jørn Lier Horst.

Del på facebook
Carbone

Dette er første bok i krim-teikneserien om Lya. Lya blir påkøyrd av ein bil dagen før ho fyller 17 år. Føraren stikk av, og Lya ender opp i rullestol etter ulukka, lam frå livet og ned. Fire år seinare byrjar Lya og bestevenen Antoine å nøste opp i mysteriet. Kven køyrde bilen, og kvifor stakk dei av utan å hjelpe ho?

Lya går undercover i eit advokatfirma for å finne mappa om saka si i arkivet. Ho har nemleg snubla over eit brev heime hos foreldra, der det kjem fram at foreldra har fått ein stor sum pengar for å ikkje gå til sak mot gjerningspersonen, men halde identiteten til vedkomande hemmeleg.

Den utspekulerte planen til Lya byr sjølvsagt på utfordringar, og det kan verke som at Lya har tatt seg vatn over hovudet. Heldigvis får ho med seg Adele, som ho blir kjend med på advokatkontoret. Snart viser det seg at saka om Lya er langt større enn dei hadde sett føre seg.

Forfattar Carbone er kjend i Noreg frå dei to første bøkene i Spilledåsen-serien. Boka er illustrert av Justine Cunha og omsett frå fransk av Britt Schjøtt-Iversen.

Del på facebook

1. september–30. april (vintertid)

Måndag 09.00–19.00
Tysdag 09.00–16.00
Onsdag 09.00–16.00
Torsdag 09.00–19.00
Fredag 09.00–16.00
Laurdag 10.00–14.00

Opningstider gjennom året.

Utanom opningstid kan du levere i eiga kassa i Sunndal kulturhus.

KONTAKT

Tlf.: 901 35 785

biblioteket@sunndal.kommune.no

Vi blir inspirert av